Pasi e fitoi titullin e Evropës, u shpall lojtari më i mirë i ri dhe u fut në formacionin më të mirë të turneut, Lamine Yamal ka marrë edhe një çmim tjetër.
Goli i tij është shpallur më i miri i “Euro 2024” pasi UEFA të martën ka publikuar dhjetë golat më të mirë të përzgjedhur nga komisioni teknik.
ADVERTISEMENT
Goli i Yamalit ndaj Francës ka zënë vendin e parë. Ai realizoi gol fantastik në gjysmëfinale, ndërsa Spanja triumfoi me rezultatin 2:1 ndaj Francës.
Goli i dytë më i mirë i turneut ishte i mesfushorit të Anglisë, Jude Bellingham në fitoren ndaj Sllovakisë, ndërsa i treti në listë u gjend goli i Xherdan Shaqirit që e shënoi në barazimin e Zvicrës 1:1 kundër Skocisë.
Komisioni teknik i UEFA-së, që përzgjodhi dhjetë golat më të mirë të “Euro 2024”, i cili zgjati një muaj dhe u mbajt në Gjermani, përbëhej nga Fabio Capelloi, Ioan Lupescu, Michael O’Neill, David Moyes, Rafael Benitez, Frank de Boer, Ole Gunnar Solskjaer e Aitor Karanka.
