Futbollisti, Ylber Ramadani, ka vizituar vendin e lindjes ku është nderuar nga shokët e Shkollës Fillore, Lasgush Poradeci në Vojnoc të Shtimes.
Ai përmes një postimi në rrjetin social Facebook ka falënderuar shokët, shkruan lajmi.net.
“Faleminderit për vlerësimin vendlindja ime dhe shokët e mi të klasës së Shkollës Fillore, Lasgush Poradeci”, ka shkruar ai.
27-vjeçari luan për skuadrën e Lecces në Serie A dhe këtë sezon ka zhvilluar nëntë paraqitje në të gjitha garat.
Ramadani ka përfaqësuar kombëtaren e Shqipërisë dhe ka bërë 30 paraqitje. /Lajmi.net/
