Që prej verës së vitit 2018 është pjesë e “Baskëve” të Real Sociedad, mirëpo situata mund të ndyrshojë gjatë merkatos së verës, me “gjigantët” e kampionatit anglez të futbollit, Premier League, Arsenal, si dhe Barcelona, Atletico Madrid e Juventus janë vënë pas tij dhe kërkojnë me ngulm një lojtar, me profilin e tij në skuadër.
Bëhet fjalë për “shkatërruesin” spanjoll, Mikel Merino, i cili po shkëlqen prej disa sezonesh, në elitën spanjolle të futbollit dhe sipas raportimeve më të fundit të tabloideve britanike, “Topçinjtë” e Arsenal kërkojnë përforcim të ri e me shumë kualitet, në repartin më të tërhequr të mesfushës, ku nga tekniku Mikel Arteta shihet si zëvendësuesi perfekt i Granit Xhakës.
Autor i 8 golave e 5 asistimeve, në 45 përballjet e zhvilluara, mes kampionatit, Copa del Rey e UEFA Champions League vlerësohet në shifrën e 50 milionë eurove, sipas specialistëve të “Transfermarkt”, megjithatë me kontratën që skadon në verën e vitit 2025 pritet që çmimi të bie lehtësisht në shifrat e 38-40 milionë eurove. /i.m /abcnews.al
