Në një intervistë ekskluzive dhënë për Betsson Sport, legjenda e futbollit, Iván Zamorano ndau opinionet e tij për Interin dhe sezonin aktual, duke shprehur një optimizëm të fortë për potencialin e skuadrës zikaltër.
Zamorano tha: “Interi është një ekip që ka aftësinë për të fituar çdo gjë. Sa i përket Champions League, turneu duket më i hapur se kurrë, me skuadra të forta si Manchester City, Bayern Munich dhe Real Madrid. Sipas mendimit tim, Interi është në top pesëshen”.
Duke reflektuar për skuadrat që shkëlqejnë aktualisht në skenën botërore, ai vlerësoi Arsenalin: “Unë jam një adhurues i lojës së bukur dhe më duket se Arsenali, në panoramën angleze dhe botërore, luan futboll të bukur”.
“Ndeshja ndaj Interit nuk do të jetë vetëm një sfidë mes lojtarëve, por edhe mes dy trajnerëve të mëdhenj. Ka të gjithë potencialin për të qenë një shfaqje e shkëlqyer”.
