Havier Zaneti ka marrë në mbrojtje Lautaro Martinezin duke thënë se është një kapiten i jashtëzakonshëm dhe po ndihmon ekipin në çdo mënyrë. Zëvendëspresidenti i zikaltërve foli gjithashtu edhe për Bisek, për të cilin tha se e ka rinovuar kontratën.
“Të gjithë e dimë që Lautaro është në një moment ku nuk po i dalin gjërat ashtu siç duhet, por ka një vlerë njerëzore dhe sportive jashtë normales. Për sulmuesit ekzistojnë momente të tilla. Mund të them që ka fituar Botërorin dhe Kupën e Amerikës dhe është bërë kapiten edhe në shpirt.
Duhet të vazhdojë të punojë sepse herët a vonë situata e tij do të përmirësohet. Të gjithë e dimë se sa mirë ka bërë dhe çfarë lojtari është.
Bisek? I kemi rinovuar kontratën sepse është futur në mënyrë perfekte në botën e Interit dhe është rritur si lojtar dhe si njeri. Mesfusha? Kemi lojtarë të shkëlqyer. Fratezi është ndryshe nga Barela, por për ne është një lojtar i rëndësishëm dhe me vlera të mëdha. Sa herë ka shansin jep më të mirën në fushën e lojës”, ka thënë Zaneti.
PANORAMASPORT.AL
