Vetëm pak javë më parë, në mediat tona, por edhe në ato kroate e ruse qarkulloi lajmi se anëosri i Kombëtares sonë, Mario Mitaj ishte shumë pranë “gjigantëve” fqinj, të Dinamo Zagreb, dhe ashtu ishte vërtetë, mirëpo kroatët nuk arritën të gjenin akordin me rusët e Lokomotiv Moscoë e për këtë aryse vendonin të transferonin japonezin, Takuyo Ogiwara, nga kampionët e AFC Champions League, Urawa Red Diamonds.
Për prapaskenat e dështimit të transfeirmit të Mitajt në Kroaci ka folur edhe tekniku i Dinamo Zagreb, Sergej Jakirovic, i cili tregoi se kroatët donin ta merrnin fillimisht në huazim Mitajn dhe të jepnin 500 mijë euro e më pas ta blinin në verë për 3.5 milionë, por skuadra ruse kërkonte 7 milionë euro për mbrojtësin e Kombëtares.
“Në media dalin gjithmonë emrat. U përfol edhe për Mario Mitajn. Në rregull, Mitaj ishte në listën tonë, por nuk u arrit akordi për çështje financiare dhe prandaj ne mbyllëm marrëveshjen me Ogiwara-n nga Urawa në vetëm tri ditë. Kështu punojmë ne, nëse nuk nënshkruajmë dot shpejt me një lojtar, i kthehemi mundësisë tjetër”,- u shpreh tekniku boshnjak. /i.m /abcnews.al
