Gennaro Gattuso ka nisur zyrtarisht aventurën e tij si trajner i kombëtares italiane të futbollit.
Federata italiane e sheh atë si të duhurin, për të ringritur “axurët” dhe për synuar kualifikimin në Botëror.
Mediat italiane raportojnë se zgjedhja e Gattusos është bërë për të rikthyer motivimin dhe identitetin te kombëtarja. Ai ka marrë mbështetjen e Buffon dhe të figurave të njohura të futbollit italian.
Ndryshe nga paraardhësit e tij, Gattuso ka pranuar një pagë shumë më të ulët, 800 mijë euro neto, krahasuar me Spallettin që merrte 2.8 milionë dhe Mancinin që merrte 3 milionë.
Megjithatë, kontrata përfshin një bonus prej 1 milion eurosh nëse Italia kualifikohet në Botëror. Gattuso aktualisht paguhet më pak se trajneri i Shqipërisë Silvinjo, i cili ka një pagë prej 1.1 milionë eurosh.
Marrëveshja është fillimisht njëvjeçare, me mundësi zgjatjeje deri në vitin 2028. Qëllimi është që ai të drejtojë Italinë edhe në Euro 2028, nëse rezultatet do të jenë pozitive.
