Mesfushori nga Kosova, Arbër Zeneli ka bërë asistim të rëndësishëm që në fund doli të jetë edhe i pikëve të plota për skuadrën turke, Adana Demirspor.
28-vjeçari e regjistroi asistimin e parë në Superligën e Turqisë të dielën, kur me skuadrën e tij, Adana Demirspor, mposhti Antalyasporin, me rezultatin 2:1.
Ndeshja i ka takuar xhiros së 18-të të elitës turke.
Sulmuesi i krahut që hyri në lojë në minutën e 39-të, asistoi për 2:0 në fundin e pjesës së parë për mesfushorin Emre Akbaba.
Zeneli luajti deri në fund të ndeshjes. Ishte paraqitja e tij e 10-të në Superligën e Turqisë.
Zymer Bytyqi tek Antalyaspori luajti vetëm në pjesën e parë. Adana Demirspori ka 27 pikë në 17 ndeshje të luajtura, tri më shumë se Antalyaspori.
Adana Demirspor’un Emre Akbaba ile bulduğu gol. #ADSvANT
pic.twitter.com/f7MWLMTPKH— Wiki Sports (@wikispors) December 24, 2023
