Pas fitores së bukur dhe bindëse 4-1 në Kupën e Italisë ndaj Kaljarit të Klaudio Ranierit, Pioli pa shumë gjëra për të cilat duhet të ndihet i gëzuar në skuadrën e Milanit: nga të rinjtë Çaka Traore, Simiçi dhe Himenezi, deri te konfirmimi i Luka Joviçit, protagonist i një momenti vërtet magjik në këtë periudhë të fundit.
Por në ndeshjen e fundit, në listën e golashënuesve u shtua edhe Rafa Leao. Në fakt, përpara golit të firmosur kundër Kaljarit, goli i fundit në një ndeshje zyrtare të sulmuesit portugez kishte ardhur në ndeshjen e Champions-it kundër PSG-së, e fituar nga kuqezinjtë 2-1: ishte data 7 nëntor.
Numri dhjetë i Piolit tani objektiv të radhës ka të gjejë golin edhe në Serinë A (për herë të fundit shënoi në shtator). Për momentin, ai ka shënuar 5 gola (3 në Serie A dhe 2 mes Champions-it dhe Kupës së Italisë) me 4 asiste dhe një penallti të fituar.
PANORAMASPORT.AL
