Reali i Madridit ka marrë një barazim me mjaft vlera në Mynih në ndeshjen e vajtjes në gjysmëfinalet e Ligës së Kampioneve kundër Bajernit (2-2).
“Los blancos” kanë vuajtur në Gjermani, por përsëri ia kanë dalë. Megjithatë, për të dhuruar një tjetër provë mbijetese atyre u është dashur një shkundje. Ka qenë trajneri Ançeloti që ka shkundur ekipin, siç bëjnë me dije mediat spanjolle.
Reali vërtet mund të ishte në epërsi 0-1 në pjesën e parë, por loja nuk i ka pëlqyer trajnerit italian, që ia ka bërë të qartë lojtarëve. Në fakt ka pasur drejtë, sepse Reali është zgjuar pasi e pa veten në disavantazh 2-1.
“Nëse nuk zgjohemi dhe nuk luajmë futboll më të mirë, nuk do të jemi në finale”, ka qenë mesazhi i Ançelotit për ekipin siç bëjnë me dije nga dhomat e zhveshjes së klubit të bardhë.
PANORAMASPORT.AL
