“Qëndrojmë të përqendruar, të fokusohemi dhe nuk dua të shoh flamuj me numra rastësorë”. Thirrjes së Antonio Contes drejtuar tifozëve gjatë konferencës për shtyp pas ndeshjes me Parmën, Napoli iu përgjigj duke vendosur pankarta dhe flamuj, ku numri 4 është pothuajse i munguar.
Ashtu si në Forçela, një lagje shumë e lidhur me Napolin, ku janë vendosur flamuj dhe pankarta për të mbështetur skuadrën. Në njërën prej tyre, të madhe, të vendosur pikërisht në hyrje të lagjes historike, shkruhej ‘Forza Napoli’. “Kur të vijë momenti – thotë një nga tifozët që e ka vendosur – jemi gati t’i ngjisim sipër numrin….” dhe e mbyll frazën pa e përmendur fare.
PORTIERI- Rrugët e merkatos janë të pafundme dhe, në disa raste, lidhjet mund të kthehen në paradokse. Është rasti i Elia Kaprile, i cili, nëse Kaljari humbet ndaj Napolit në ndeshjen e fundit të Serie A, do t’ia dorëzonte Napolit titullin kampion, duke u shpallur edhe vetë kampion i Italisë.
Portieri i Kaljarit është në fakt i huazuar pikërisht nga Napoli dhe, duke qenë se ka luajtur katër ndeshje këtë sezon përpara se të largohej nga Kampania, ai do të mund të fitonte titullin nëse skuadra e tij aktuale humb ndaj ekipit të drejtuar nga Antonio Konte.
PANORAMASPORT.AL
