Liverpuli dhe Evertoni kanë bërë një përpjekje të vonuar për të spostuar datën e derbit të Mersejsajdit të javës së ardhshme. Të dyja klubet e Liverpulit do të përballen në “Anfield” të mërkurën e ardhshme, më 2 prill.
Megjithatë, të dyja skuadrat donin ta afronin përplasjen me 24 orë, kryesisht për shkak të orarit të ndeshjeve të Arsenalit. “Daily Mail” ka zbuluar se të dyja klubet panë gjërat pozitive në zhvendosjen e ndeshjes për të martën.
Kjo për shkak se Arsenali përballet me Fulhamin të martën mbrëma, përpara ndeshjes me Evertonin në mesditën e së shtunës. Dhe “Topçinjtë” do të kenë më shumë kohë për t’u rikuperuar dhe përgatitur për ndeshjen në “Goodison Park”.
Dhe duke pasur parasysh se ata janë rivalët kryesorë të Liverpulit për titullin, Slot nuk e kishte problem spostimin e ndeshjes. Megjithatë, Premier Liga e refuzoi kërkesën.
PANORAMASPORT.AL
