Kampionati Europian U-21 mund të ishte turneu i duhur për ringritjen e Sharl de Ketelares pas sezonit zhgënjyes me fanellën e Milanit, por për fatin e tij të keq gjërat shkuan shumë keq:
Belgjika në fakt nuk e kaloi fazën e grupeve dhe fantazisti kuqezi nuk bindi, pavarësisht se luajti si titullar në tri ndeshje, e për më tepër me shiritin e kapitenit në krah. 21- vjeçari tani ka nisur pushimet, por është e qartë se pas një sezoni kaq negativ ka shumë dyshime për të ardhmen e tij në Serinë A.
Çdo ekip i interesuar duhet të ofrojë të paktën 28 milionë euro në mënyrë që “djalli” të mos shënojë humbje në bilanc, por në mungesë ofertash, kuqezinjtë do të jenë të detyruar ta mbajnë në organikë, e madje t’i japin shanse për të rivlerësuar veten. Një hipotezë e orëve të fundit mund të jetë huazimi tek Atalanta, e cila ka shfaqur interes për shërbimet e belgut, për të cilin Milani jo më larg se një vit më parë shpenzoi thuajse 35 milionë euro.
PANORAMASPORT.AL
