Zinedin Zidan është duke shijuar pushimet e gjata dhe duke hequr Realin, skuadër të cilën e ka drejtuar dy herë, asnjë skuadër tjetër nuk e ka bindur deri më tani. Pak ditë më parë, u përmend emri i tij në krye të PSG-së por përgjigja e francezit ishte e menjëhershme për jo.
Ndërkohë, Zidan është pyetur edhe për mundësinë që të jetë në krye të Francës, gjë të cilën sërish e ka refuzuar. Ai shprehet se nuk është koha e duhur për ta bërë diçka të tillë, teksa shtoi se shpesh herë vepron me intuitën e momentit.
“Gjithmonë kam thënë se të jesh trajner i Francës duhet që të njohësh futbollin francez si lojtar e më pas si trajner dhe është logjike që të mendoj për të, por nuk është koha e duhur. Unë jam ambicioz. Kur isha te Kana, mendoja për Bordon. Kur shkova te Juventusi, më pas ishte Reali dhe gjithmonë kam bërë gjëra ndryshe.
Kam besuar te vetja. Unë nuk i përgatis gjërat kurrë. Kam fituar gjithçka dhe kisha nevojë për pushim. Presidenti Perez më kontaktoi dhe më tha të shkoja sërish. Mund të mendoj se për çfarë të shkoja, mund të ishte rrezik. Por gjithsesi shkova, sepse ndjek intuitën dhe jo llogaritë”, u shpreh Zidan.
PANORAMASPORT.AL
