Inter vazhdon punën për përforcimin e ekipit për sezonin e ri, ndërsa së fundmi raportohet se “zikaltërit” kanë kthyer fokusin nga Premier League.
Mediet britanike bëjnë me dije se kampionët e Italisë janë duke punuar për afrime të reja në repartin e mbrojtjes dhe emri i parë në listën e dëshirave është ai i lojtarit të Aston Villa-s, Pau Torres.
27-vjeçari të cilin Aston Villa e bleu nga Villarreal vitin e shkuar për 33 milionë euro tashmë vlerësohet plot 50 milionë euro, një shifër goxha e lartë.
Pavarësisht çmimit të lartë të kartonit të Torres, Inter shpreson që Aston Villa të pranojë edhe disa lojtarë në shkëmbim, në mënyrë që të ulë tarifën e mbrojtësit spanjoll..
