Pasi ka përshëndetur Andre Onanën, Interi kërkon që të gjejë sa më shpejt pasardhësin e tij fillimisht dhe më pas edhe një portier të dytë, duke qenë se papritur kanë vendosur që të mos rinovojnë edhe me Samir Handanoviç.
Dhe për sa i përket Jan Zomerit, Bajerni i Mynihut e ka me të shpejtë dhe i ka kërkuar Interit që ta mbyllin këtë temë deri në fund të kësaj jave.
Fakti që kampionët e Gjermanisë po punojnë ditë e natë për të arritur te Herri Kejn, nuk kërkojnë shpërqendrime të kota dhe e kanë lajmëruar Interin se nëse janë të bindur për të blerë Zomerin, atëherë italianët të derdhin 8 milionët e klauzolës dhe të vazhdojnë procedurat e tjera me portierin zviceran.
PANORAMASPORT.AL
