Mario Baloteli i ka dhënë lamtumirën Zvicrës. Sulmuesi italian, ka vendosur të largohet nga Sioni, të cili i ishte bashkuar vetëm për t’i qëndruar afër djalit të tij të vogël, Lion, për t’u kthyer përsëri në futbollin turk.
Sulmuesi u transferua te Sioni në periudhën kur skuadra drejtohej nga Paolo Tramezani, por nuk la shenjë atje, duke krijuar shpesh polemika me veprimet e tij ndaj tifozëve në një edicion që u mbyll me rënien nga kategoria. Ndaj lamtumira e tij ishte e pritshme, pasi klubi nuk përballonte dot më as rrogën e tij në kategorinë e dytë zvicerane.
Por pakkush priste që ai të kthehej te Adana Demirspor në Turqi, klub nga i cili ishte larguar pas telasheve që kishte krijuar në stërvitje duke u përplasur edhe me ish-trajnerin Vinçenco Montela. Klubi turk zyrtarizoi sot afrimin e sulmuesit, i cili do të vihet tashmë nën urdhrat e Patrik Klaivert, duke tentuar që të kthehet përsëri në shinat e duhura në atë që është shansi i fundit i karrierës së tij.
PANORAMASPORT.AL
