FC Drita ka njoftuar zyrtarisht ndërprerjen e bashkëpunimit me kryetrajnerin Zekirija Ramadani, duke i dhënë fund një periudhe mbi dy vjet e gjysmë në krye të skuadrës gjilanase.
Përmes një njoftimi, klubi ka shprehur mirënjohje të veçantë për Ramadanin, duke e cilësuar bashkëpunimin me të si të jashtëzakonshëm dhe duke vlerësuar kontributin e tij në sukseset e arritura gjatë kësaj periudhe, transmeton lajmi.net.
Sipas FC Dritës, titujt kampion të fituar dhe paraqitjet e suksesshme në arenën ndërkombëtare janë dëshmi e punës së përbashkët dhe përkushtimit të treguar nga trajneri dhe klubi.
“Drita e falënderon Zekën për gjithçka që ka dhënë për klubin tonë, duke besuar se rrugët që ndërtuam së bashku mund të na bashkojnë sërish në një moment tjetër”, thuhet në njoftimin e klubit.
Në fund, kampioni i Kosovës i ka uruar Ramadanit suksese në vazhdim të karrierës së tij, duke e mbyllur mesazhin me fjalët: “Suksese dhe paç fat, Zeko!”./lajmi.net/
