Graham Potter është trajneri i ri i West Ham United. Ish-trajneri i Brighton dhe Chelsea zëvendëson Julen Lopetegui, i cili u shkarkua dje për shkak të paraqitjes së pakënaqshme të skuadrës në pjesën e parë të sezonit.
Potter, i cili tashmë do të drejtojë skuadrën në ndeshjen e vështirë jashtë fushe kundër Aston Villës në raundin e tretë të FA Cup (e planifikuar për nesër), rikthehet në stol 20 muaj pas shkarkimit nga Chelsea, pas vetëm shtatë muajsh e 31 ndeshjesh dhe pavarësisht kontratës pesëvjeçare.
Pesë nga shtatë ndeshjet e ardhshme të West Hamit në Premier League janë derbi londinez, dhe në mes, do të ketë gjithashtu një rikthim në “Stamford Bridge”, ku Potter do të përballet me ish-klubin e tij më 3 shkurt.
