Juan Cuadrado i është bashkuar zyrtarisht Atalantës si lojtar i lirë, pasi marrëveshja me Interin i skadoi.
Kolumbiani Cuadrado, gjashtë herë fitues i “Scudettos”, do të mbrojë ngjyrat e Atalantas.
Kontrata e tij me Interin skadoi në qershor, kështu që 36-vjeçari ishte në dispozicion si lojtar i lirë.
Cuadrado ka nënshkruar një kontratë njëvjeçare me klubin me seli në stadiumin Gewiss, konfirmoi Atalanta në një deklaratë zyrtare të hënën.
“Atalanta BC është e lumtur të njoftojë se futbollisti Juan Guillermo Cuadrado Bello do të veshë fanellën blu-blu në sezonin 2024-2025 pasi iu bashkua klubit me bazë në Bergamo me një marrëveshje njëvjeçare”, thuhet në njoftim.
36-vjeçari përveç 6 titujve të Serisë A, ka edhe 4 Coppa Italia dhe 3 Superkupa të Italisë, një Ligë Premier dhe një League Cup.
Cuadrado në Serie a ka 372 paraqitje, me 43 gola dhe 66 asistime.
Ai ka mbrojtur ngjyrat e Udineses, Lecces, Fiorentinës dhe Juventusit, ndërsa në Angli ka luajtur për Chelsean.
