Luis Enrike është zyrtarizuar sot si trajneri i PSG-së. Trajner spanjoll ka firmosur për dy vite me skuadrën franceze, ku padyshim do të ketë si objektiv kryesor fitoren në Ligën e Kampioneve. Një objektiv që e ai e ka cilësuar si fiksim, jo vetëm për kiubin e tij, por edhe për të tjerët që synojnë këtë trofe.
“Jam i shumë i lumtur që po firmos për PSG. Falënderoj presidentin dhe drejtorin sportiv për besimin e tyre dhe shpresoj t’ua kthej në sezonet në vijim.
Ideja ime e futbollit është ajo e një futbolli ofensiv, një futboll që argëton tifozët dhe mbi të gjitha një futboll i cili jep rezultate të mira. Ky është objektiv im, për këtë kam ndihmën e klubit, mendoj se mbështetësve tanë do t’u pëlqejë ajo që do të shohin.
Trysni për të fituar Ligën e Kampioneve? Mua më pëlqen të ndjej trysni, është fantastike, ka rreth 10 ekipe me të njëjtin fiksim. Ka ekipe me më shumë eksperiencë se ne, por kjo nuk do të thotë që nuk mund ta fitojë. Duhet që të jemi ambiciozë dhe të kërkojmë versionin tonë më të mirë të ekipit. Ky është një objektiv për të gjithë ne.
E di që nuk do të kem problem me mediat pasi nuk kuptoj asnjë fjalë çfarë thoni. Mund të thoni çfarë të doni se gjithsesi nuk e kuptoj”, tha duke qeshur Luis Enrike para gazetarëve në prezantimin e tij.
PANORAMASPORT.AL
