Kapiteni i Liverpulit, Vërxhil van Dajk i ka dhënë fund spekulimeve mujore rreth të ardhmes së tij duke rinovuar kontratën.
Marrëveshja e mëparshme e holandezit do të skadonte më 30 qershor, por tashmë ai do të jetë pjesë e klubit deri në vitin 2027.
Virgil van Dijk has today signed a new contract with the Reds to extend his time with the club beyond the 2024-25 season 🙌😀
— Liverpool FC (@LFC) April 17, 2025
Duke folur për mediat e klubit për kontratën e tij të re, Van Dajk tha: “Jam shumë i lumtur, shumë krenar. Ka kaq shumë emocione, padyshim që kalojnë nëpër kokën time tani duke folur për këtë. Është një ndjenjë krenarie, është një ndjenjë gëzimi. Është thjesht e pabesueshme. Rrugëtimi që kam pasur deri më tani në karrierën time, të jem në gjendje ta zgjas me dy vite të tjera në këtë klub është i mahnitshëm dhe jam shumë i lumtur”.
PANORAMASPORT.AL
