Real Madridi dhe Nacho Fernandez kanë arritur marrëveshje për rinovimin e kontratës.
Kapiteni i Los Blancos me kontratën e re do të jetë pjesë e “mbretërve” deri në verën e vitit të ardhshëm, shkruan lajmi.net.
“Real Madrid CF dhe Nacho Fernández kanë rënë dakord për të vazhduar kontratën e kapitenit tonë, i cili mbetet i lidhur me klubin deri më 30 qershor 2024” – thuhet ndër tjerash në njoftimin zyrtar të Real Madridit.
Comunicado Oficial: Nacho#RealMadrid | #Nacho2024
— Real Madrid C.F. (@realmadrid) June 22, 2023
Në Real Madrid ai ka luajtur 319 ndeshje dhe ka fituar 23 tituj: 5 Kupa Evropiane, 5 Kupa të Botës për Klube, 4 Superkupa Evropiane, 3 Liga, 2 Kupa të Mbretit dhe 4 Superkupa Spanjolle.
Nacho ka luajtur 24 herë me skuadrën e Spanjës, me të cilën sapo është shpallur kampion i Ligës së Kombeve të vitit 2023./Lajmi.net/
