Arsenali e ka bërë zyrtare se portieri, Aaron Ramsdale ka nënshkruar një kontratë të re afatgjate me klubin.
Portieri 25 vjeçar veçse ka arritur të bëjë 76 paraqitje për klubin në të gjitha garat, me paraqitjet e tij që u shpërblyen me një vend në Kombëtaren e Anglisë në Botërorin në Katar dhjetorin e kaluar.
Ramdsale iu bashkua Arsenalit nga Sheffield United në verën e vitit 2021, dhe shijoi një sezon fantastik të parë me “Topçinjtë”, duke mbajtur portën e paprekur në 14 ndeshje.
Po ashtu, Ramsdale u zgjodh lojtari më i mirë i muajit tetor dhe nëntor te Arsenali në vitin 2021.
Ramsdale e vazhdoi formën fantastike edhe këtë sezon, ku deri tani ka arritur ta mbajë portën e paprekur në 14 ndeshje, dhe fitoi çmimin e pritjes së muajit mars dhe prill të këtij viti.
