Nuk ka më dyshime, Ernest Gjoka është trajneri i ri i Skënderbeut. Klubi juglindor, nëpërmjet një njoftimi në rrjetet sociale, ka zyrtarizuar emërimin e Gjokës në krye të stafit teknik.
Ernest Gjoka pason në këtë detyrë tranerin serb, Ivan Gvozdenovic, i larguar pak ditë më parë për shkak të rezultateve të dobëta.
Skënderbeu, në përfundim të javës së 15-të renditet në vendin e parafundit me vetëm 13 pikë, aq sa ka grumbulluar edhe Bylisi, por ekipi korçar shmang fundin vetëm falë golaverazhit më të mirë.
Njoftimi i Skënderbeut:
Ernest Gjoka zyrtarisht bardhekuq!
Tekniku Ernest Gjoka ka arritur marrëveshjen me klubin dhe është zyrtarisht trajner i Skënderbeut.
Menjëherë pas prezantimit, Ernest Gjoka do të nisë përgatitjet për takimin e rradhës ndaj Tiranës në stadiumin “Skënderbeu”.
Mirë se vjen Ernest Gjoka!
