Federata Zvicerane e Futbollit përmes një komunikate e ka konfirmuar vendin se ku do të zhvillohet ndeshja mes Kombëtares së Zvicrës dhe Kosovës.
Ndeshja mes Zvicrës dhe Kosovës, e vlefshme për kualifikueset e Kampionatit Evropian Euro 2024, do të zhvillohet më 18 nëntor me fillim nga ora 20:45, raporton KosovaPress.
Ndërkaq, tani është konfirmuar edhe stadiumi, ku ndeshja do të zhvillohet në “St. Jakob Park” të Baselit.
Biletat do të fillojnë të shiten nga 20 tetori me fillim nga ora 14:00, dhe blerja e tyre do të bëhet online në www.ticketmaster.ch.
