Skuadra e Guardiolës e gjeti golin e parë në minutën e 30-të me Zheremi Doku. Tre minuta më vonë Siti dyfishon,ku përsëri protagonist ishte Doku, i cili asistoi për Silvan që shënoi. Në minutën e 37-të Akanzhi devijoi goditjen e Doku dhe shënon dhe me shifrat 3-0 u mbyll pjesa e parë.
Në pjesën e dytë Mançester Siti shënoi edhe tre gola të tjerë, me Foden në të 64-ën, Berndardo Silvën në minutën e 83-të, i cili realizoi pas asistimit të Dokut, që shkëlqeu me katër asistime. Ake shënoi golin e gjashtë në minutën e 88-të. Sinisterra shëoi golin e nderit për miqtë në minutën 74.
Me këtë fitore Siti i Guardiolës shkon në vend të parë, në kuotën e 27 pikëve, një më shumë se Totenhemi që pret të luaj ndaj Çelsit të Armando Brojës. Brentfordi i Tomas Strakohës mori një fitore me përmbysje ndaj Uest Hemit, në shifrat 3-2. Krsital Palas fitoi 2-0 në transfertë ndaj Bërnlit. Everton dhe Brajton e mbyllën në barazim 1-1.
Ndërsa Shefilld Junajtid mposhti Ulves në shifrat 2-1. Ndeshja e fundit e ditës së sotme në Premier Ligë ka qenë Njukasëll-Arsenal, ku “qymyrxhinjtë” ndalën skuadrën e Artetës në shifrat 1-0. Gordon shënoi golin për Njukasëllin në minutën e 64-t dhe me këtë humbje Arsenali distancohet me 3 pikë nga Siti që kryeson Premier Ligën.
Njukasëll-Arsenal 1-0 (GOLI)
Mançester Siti – Borenmuth 6-1 (GOLAT)
PANORAMASPORT.AL
