Barça do të kërkojë sonte në mbrëmje në Gjermani kualifikimin për në 1/8-at e finaleve në Ligën e Kampioneve kundër Shakhtar Donetsk.
Pas dy sezonesh largimi nga Champions-i, Barça duket shumë pranë objektivit. Për skuadrën e drejtuar nga Ksavi mjafton një barazim për të siguruar biletën për më tej. Për këtë ndeshje, ai nuk do të ketë të gatshëm kapitenin Serxhi Roberto dhe mesfushorin holandez, Frenki de Jong, të dy të dëmtuar.
Edhe Pedri pritet që takimin e sotëm ta nisë nga stoli, edhe ai i kthyer nga dëmtimi. Pjesa tjetër e ekipit është e gjitha në shërbim të trajnerit. Ndërkohë që mediat spanjolle bëjnë me dije se tekniku i katalanasve po mendon të bëjë disa lëvizje në formacion. Edhe Shahtjori përballet me disa mungesa Petriak, Lasina Traore dhe Stav Lemkin.
PANORAMASPORT.AL
