Ylli i futbollit kosovar, Edon Zhegrova po kalon një sezon të mirë me Lille, të paktën deri më tani.
Sulmuesi anësor i Përfaqësueses së Kosovës në këtë edicion në Francë i ka realizuar dy gola dhe pesë asistime nga 17 paraqitje në total.
Zhegrova është edhe në mesin e dribluesve më të mirë në top ligat evropiane këtë sezon, sipas statistikave të mbledhura deri më tani.
View this post on Instagram
24-vjeçari renditet i gjashti në këtë listë, me 40 driblime të suksesshme të regjistruara nga 69 tentime – ose me një përqindje prej 58% të driblimeve të suksesshme.
Ylli i Bayern Munich Leroy Sane i prin kësaj liste, me 60 driblime të suksesshme të regjistruar deri më tani në këtë sezon. /Lajmi.net/
