I ftuar nga “Sportitalia”, Marko Materaci, tani nis t’i frikësohet Juves, ndonëse në pritje të duelit me Interin, për ish-mbrojtësin zikaltër ka një moment elozhesh për Masimiliano Alegrin:
“Bardhezinjtë po bëjnë vërtet gjëra të rëndësishme në këtë sezon dhe realisht do të kisha dashur që kjo sfide të ishte luajtur sa më shpejt, pasi pritje deri pas pauzës së kombëtareve është shumë e gjatë.
Gjithsesi, nëse Juventusi po ecën me një ritëm kampioni, meritë për këtë ka mbi të gjithë Masimiliano Alegri.
Ai është personi i vetëm i fortë dhe i zgjuar te Juvja, i vetmi që di dhe mund të mbajë nën frerë këtë skuadër. Prandaj, do të doja shumë që juventinët që nuk humbin rast ta akuzojnë e ofendojnë të nisin t’i kërkojnë falje”, tha Materaci.
PANORAMASPORT.AL
