Meçi i britanikut Tyson Fury dhe ukrainasit Oleksandr Usyk do të zhvillohet më 17 shkurt.
Fillimisht ishte raportuar se Fury, kampion bote në versionin WBC, do të përballet me Usykun, kampionin e versioneve WBA, WBO, IBF dhe IBO, më 23 dhjetor, raporton “BoxingScene”.
Por, pasi Fury tregoi një paraqitje aspak të mirë kundër yllit të MMA-t, Francis Ngannou më 28 tetor, duke fituar me shumë mund me pikë, është vendosur që përballja me Usykun të shtyhet.
Ngannou e kishte rrëzuar Furyn një herë në atë përballje. Njëri nga anëtarët e jurisë ia kishte dhënë fitoren Ngannous ndërsa dy të tjerë ia dhanë Furyt.
përballja e Furyt me Usykun do të mbahet më 17 shkurt, ndërsa zyrtarizimi do të bëhet në një konferencë për media të enjten. /Lajmi.net/
Teilen:
