Portieri i skuadrës së Korinthians, Kasio, ka dhuruar një moment të çuditshëm në ndeshjen e javës së kaluar kur skuadra e tij u përball me Atletiko Mineiron në kampionatin brazilian.
Kur ndeshja ishte në rezultatin e barabartë 1-1 dhe mbeteshin 15 minuta lojë, Mineiro kishte në dispozicion një goditje dënimi dhe topi u harkua drejt portës. Kasio u nis drejt sferës, por pastaj i hapi rrugë, duke bërë që ajo të shkonte në rrjetë.
Thuajse të gjithë mbetën të habitur dhe menduan për një gabim shumë të çuditshëm të portierit me eksperiencë, Por ky i fundit mori topin me qetësi dhe ishte gati ta rivinte vetë në lojë. Në fakt ai kishte marrë një vendim të zgjuar në atë moment.
SHIH VIDEON
Goditja e dënimit ishte indirekte, që do të thotë se lojtari që e çoi në rrjetë, shkaktoi faull pasi askush tjetër nuk preku topin.
Pakkush e kuptoi fillimisht këtë situatë, aq sa edhe trajneri i Korinthians. Mano Menezes, bëri me shenjë sikur kishte pasur shumë rrahje zemre në ato momente. Një moment gjenialiteti i Kasio, i cili ka 12 vite që mbron portën e Korinthians dhe ka luajtur 548 ndeshje me fanellën e kësaj skuadre.
PANORAMASPORT.AL
