Izraeli ka arritur t’ia vjedh një pikë Zvicrës, duke ia shtyrë festën e kualifikimit në Euro 2024 për “Helvetikëve”.
Ndeshja përfundoi me rezultat të barabartë 1:1, shkruan lajmi.net.
Ruben Vargas zhbllokoi rezultatin në minutën e 36-të.
Sulmuesi pati edhe disa mundësi të tjera, madje goditi traversën dy herë.
Kur dukej se Zvicra kishte marrë pikët e plota, vendasit shënuan me anë të Shon Weissman në minutën e 89-të.
Zvicra po ashtu mbeti me një lojtarë më pakë, pasi Edimilson Fernandes u ndëshkua me të kuq në kohën shtesë.
Për skuadrën e Xhakës tani komplikohet kualifikimi në Evropian dhe ndeshja ndaj Kosovës është shumë e rëndësishme.
Te Zvicra janë ftuar tre shqiptarë, prej të cilëve vetëm Granit Xhaka e filloi ndeshjen nga minuta e parë, kurse Xherdan Shaqiri dhe Andi Zeqiri ishin në bankën rezervë.
Shaqiri madje nuk u inkuadrua fare në lojë, derisa Zeqiri u fut në minutën e 69-të.
Ndeshja po zhvillohet në një stadium neutral, për shkak të luftës mes Izraelit dhe Palestinës.
Ndeshja e së mërkurës është zhvendosur në “Pancho Arena” të Hungarisë. /Lajmi.net/
