Kampioni i Kosovës Ballkani, të enjten më 30 nëntor do ta zhvillojë një ndeshje tejet me rëndësi në kuadër të UEFA Conference League, kundër ekipit të njohur nga Çekia, Viktoria Plzen.
Kësaj radhe, loja nuk do të luhet në Prishtinë në stadiumin “Fadil Vokrri”, por në Tiranë në “Air Albania”.
Skuadra nga Suhareka, ka njoftuar për të gjithë të interesuarit se biletat do të dalin në shitje sot nga ora 11:00.
Fansat do të mund t’i blejnë ato deri në orën 19:00, tek kioska e cila gjendet në tek hyrja VIP.
“Faleminderit që i qëndroni besnik Kampionit të Kosovës.Na priftë e mbara!”, ka shkruar në njoftim Ballkani .
