Interi shkon në ferr dhe kthehet sërish. E tillë mund të përkufizohet ndeshja e zikaltërve ndaj Benfikës, një ndeshje që edhe pse nuk kishte vlerë për kualifikimin, na u paraqit me dy fytyra. Në pjesën e parë ish-i Zhoao Mario, shënoi tri herë në portën e Auderos duke shtangur skuadrën e Inzagit, që u zgjua në të dytën, kur Arnautoviç, Fratezi dhe Sançezi me penallti u siguruan të shmangnin një humbje që mund të kishte qenë e dhimbshme
Lojtari i ndeshjes për Benfika-Inter ishte Zhoao Mario, i shpërblyer nga delegati i UEFA-s me dorëzimin e topit për tripletën. Megjithatë, në fishkëllimën e fundit, portugezi u shfaq shumë nervoz si të gjithë shokët e tij të skuadrës dhe e refuzoi topin me një gjest bezdie.
Në një ndeshje që nuk i lejoi Benfikës të siguronte kualifikimin në Ligën e Europës, lojtarët e Shmidtit u shfaqën të gjithë të zhgënjyer për përmbysjen.
PANORAMASPORT.AL
