Andre Onana mund të ndalohet të luajë për Manchester United nëse vendos të refuzojë një thirrje nga Kameruni për të luajtur në Kupën e Kombeve të Afrikës.
Portieri 27-vjeçar, i cili ka bërë 20 paraqitje për Unitedin që nga transferimi i tij prej 55 milionë eurosh nga Inter në verë, pritet të luajë për Kamerunin në AFCON.
Pasi doli nga pensioni ndërkombëtar në shtator, Onana ka luajtur për vendin e tij në ndeshjet kundër Senegalit dhe Mauritius.
Por sipas një raporti nga The Sun, ai po ‘konsideron të qëndrojë në shtëpi për turneun’ për t’u fokusuar në karrierën e tij në United, ku ai ka bërë një sërë gabimesh të profilit të lartë kohët e fundit.
Sipas Manchester Evening News, në fakt, Onana thuhet se shqetësohet për humbjen e mundshme të vendit të tij si numri 1 i Unitedit nëse merr pjesë në AFCON.
Nëse Onana refuzon të bashkohet me skuadrën e Kamerunit , atëherë portieri mund të ndalohet nga FIFA të luajë për klubin e Ligësn Premier.
Sipas rregulloreve të FIFA-s, një lojtar i thirrur nga vendi i tyre nuk ka të drejtë të luajë për klubin e tyre gjatë periudhës për të cilën duhet të ishte liruar.
