Trajneri i Mançester Sitit, Pep Guardiola, shpjegoi se dëmtimi i Halandit nuk dihet se sa do ta mbajë sulmuesin larg fushës, ndërsa i gëzohet fitores së parë pas 4 ndalesave. 
“Ishte performancë e shkëlqyer, sidomos pas asaj që ndodhi në rezultatet e fundit. Ne pësuam golin në minutën e fundit të pjesës së parë. Ishte një test vërtet i mirë dhe lojtarët reaguan ashtu siç duhej. Kjo është sfida. Ata janë ende atje në mënyrën sesi vrapojnë, luftojnë dhe sillen, kështu që unë jam vërtet krenar. Ne luajtëm më mirë në pjesën e parë. 45 minutat ishin shumë të mira, por ne kemi nevojë për golat dhe në fraksionin e parë nuk shënuam. Nuk e dimë se sa kohë do të mungojë Halandi. Është këmba e tij, do ta shohim. Ka një frakturë në kockë. Do ta shohim ditë pas dite, javë pas jave. Shpresojmë se mund ta rikuperojmë për Kupën e Botës së Klubeve”.
PANORAMASPORT.AL
