Lajmet e mira për Milanin vijnë vetëm nga rezultatet. Pas fitores së Njukasëllit erdhi një fitore bindëse ndaj Monzës në kampionat, por 3-0 në javën e 16-të solli me vete dy dëmtime të reja muskulore për lojtarët e Stefano Piolit.
Pobega, i cili u largua duke i lënë vendin debutuesit (me gol) Simiç, pësoi një dëmtim në ijë dhe sipas vizitës së kryer dje ka edhe interesim të tendinës përkatëse. Ndërkohë, Okafor, autori i golit të 3-0, dëmtoi një muskul në pjesën e pasme të kofshës.
Të dy lojtarët aktualisht janë planifikuar të pushojnë dhe t’i nënshtrohen një kontrolli të ri klinik pas një jave për të vlerësuar më pas rrugën më të mirë drejt rikuperimit, e cila në çdo rast nuk do të jetë e shkurtër.
Praktikisht dyshja ka mbyllur fazën e parë gjatë së cilës, kuqezinjtë kanë parë 29 dëmtime të natyrës muskulore. Këtu nuk përfshihen lëndimet e Benaserit (i dëmtuar në maj) apo fraktura që pati pësuar Pelegrino ndaj Napolit.
Nga ana tjetër, ata që megjithatë janë rikuperuar dhe mund të kthehen në grup, janë Marko Sportielo dhe argjentinasi Pelegrino. Portieri është rikuperuar nga dëmtimi i pulpës, ndërsa mbrojtësi ka lënë përfundimisht frakturën e këmbës pas tij. Të dy nisin këtë javë riatletizimin, teksa fushën do të mund ta shohin pas vitit të ri.
PANORAMASPORT.AL
