Ish-sulmuesi i Manchester Cityt, Sergio Aguero, ka bërë një parashikim surprizë në lidhje me ekipin që do të sfidojë Citizens për titullin në Premier League.
Ndërsa Arsenali, Aston Villa dhe Liverpool zënë tre vendet e para në kampionat pas 17 javësh, Aguero zgjodhi Manchester United së bashku me Tottenham dhe Newcastle si skuadrat që mund t’i kushtojnë titullin City-t këtë sezon.
“Nuk mund ta injorosh kurrë Manchestr United në këtë fazë të sezonit”, tha Aguero për Stake.com.
“Ata janë një nga kërcënimet më të mëdha të City-t për titullin. Unë gjithashtu mendoj se Tottenham është pretendent për titull, duke parë se është përmirësuar shumë nën drejtimin e Ange Postecoglou.
“Edhe përkundër uljeve-ngritjeve të tyre, Newcastle gjithashtu ka një shans për titull, pasi ata gjithmonë luftojnë”.
City fitoi kampionatin për sezonin e tretë radhazi sezonin e kaluar, por kanë pasur shumë vështirësi në këtë sezon. Ata janë aktualisht në vendin e katërt, pesë pikë mbrapa Arsenal-it kryesues.
