Gati 25 milionë për talentin brazilian!
Në Brazil e konsiderojnë, si e ardhmja e repartit defensiv të mesfushës. Talenti i “gjigantëve” brazilian të Corinthians, Gabriel Moscardo, edhe pse vetëm 18-vjeç po mahnit botën e futbollit e veçanërisht ekipet “Big” e Evropës, të cilët si zakonisht e shohin Amerikën e Jugut, si një “fabrikë” talentesh të këtij sporti.
Sipas raportimeve më të fundit, të gazetarit të mirënjohur sportiv, Fabrizio Romano, tashmë për brazilianin interesohen, kampionët e Ligue 1, Paris Saint-Germain, me drejtuesit e këtyre të fundit, që pritet të takohen gjatë kësaj jave, me drejutesit e klubit të njohur brazilian, për t’i dhënë fund marrëveshjes.
Më tej në raportimin e tij, gazetari italian tregon se për autorin e 1 goli e 1 asisti, në 37 paraqitjet e zhvilluara këtë sezon, në disa kompeticione në Brazil, skuadra e Corinthias, nuk pranon më pak se 25 milionë euro, shifër që pritet të mos jetë aspak problem për Presidentin e PSG, Nasser Al-Khelaifi.
