Çelsi më në fund ka diçka për të cilën të festojë, pasi ka mundur Njukasëllin në çerekfinalet e Kupës së Ligës dhe e sheh veten mes katër skuadrave që vazhdojnë garën për fitoren e trofeut.
Skuadra londineze ishte në disavantazh që në minutat e parë të sfidës, kur Uillson shënoi pas një gafe në prapavijë. Poçetino hodhi në fushë Brojën pa pritur fundin e pjesës së parë dhe Çelsi nisi të sulmonte pareshtur.
Por goli i barazimit do të vinte vetëm në minutat shtesë të sfidës me Mudrik, pas një tjetër gabimi në mbrojte duke bërë që fati i kualifikimit të vendosej nga penaltitë. Gabimet e Tripie dhe Riçi nga pika e bardhë sollën suksesin e Çelsit që kështu kaloi në turin tjetër.
GOLI I UILLSON (VIDEO)
GOLI I MUDRIK (VIDEO)
PENALLTITE (VIDEO)
Penaltitë i dhanë të drejtë edhe Fullhemit përballë Everton pas barazimit 1-1, duke kualifikuar këtë skuadër për herë të parë në historinë e saj mes katër më të mirave. Ndërsa Midëllsbrou mundi 3-0 Port Vejll dhe gjithashtu kaloi në fazën tjetër të turneut. Gjysëmfinalistja e fundit do të dalë nga dueli mes Liverpul dhe Uest Hem.
PANORAMASPORT.AL
