Sot (e mërkurë) është në orar për t’u zhvilluar ndeshja e mbetur derbi mes Dritës dhe Ballkanit e vlefshme për javën e tretë në Albi Mall Superligën e Kosovës.
Gjilanasit janë nikoqir të therandasve në takimin që pritet të zhvillohet në stadiumin me bari artificial në Gjilan, me fillim nga ora 13:00.
Ekipi i Zekirja Ramadanit vjen në këtë ndeshje nga një humbje befasuese në shtëpi ndaj Malishevës dhe synon vetëm fitore për t’iu ofruar sa më shumë Ballkanit në pozitën e parë dhe për të mbyllur sezonin vjeshtor dhe vitit në mënyrën më të mirë.
Në anën tjetër, ekipi i Ilir Dajës vjen nga një humbje dhe një barazim në dy ndeshjet e fundit, kështu që synon së paku rezultat pozitiv për të mbajtur epërsinë me ndjekësit e saj, pas një humbje do të hapte shumë kampionatin në sezonin pranveror.
Momentalisht, Ballkani renditet në pozitën e parë me 39 pikë dhe një ndeshje tjetër të mbetur ndaj Gjilanit, Llapi i dyti me 34 pikë dhe Drita e treta me 31 pikë.
