Debati mes presidentit të federatës spanjolle dhe atij të Barçës. Tebas-Laportës: Harroje Super Ligën Europiane!

Presidenti i Ligës Profesioniste Spanjolle (La Liga), Havier Tebas, i është përgjigjur deklaratës së presidentit të Barcelonës, Joan Laporta në lidhje me Super Ligën Europiane.

Të hënën Laporta deklaroi se Super Liga Europiane pritet të jetë në këmbë në harkun e dy viteve. Por përgjigja nga Tebas nuk ka vonuar. “Këto ditë kam parë një fushatë të gjerë në lidhje me atë që ata e quajnë Super Liga Europiane. Me sa duket sepse po afron data 21 dhjetor kur do të jepet vendimi përfundimtar i gjykatës europiane. E kam të qartë se nuk do të jetë ashtu siç thonë ata.

E shoh tërësisht të pamundur realizimin e këtij projekti. Unë nuk do ta shoh këtë kompeticion të ri as për dy vjet, as për katër, gjashtë apo tetë vjet”, deklaroi Tebasi.

PANORAMASPORT.AL