Kristjan Asllani do të ketë mundësinë të tregojë sa vlen në një ndeshje shumë të rëndësishme për Interin në Kupën e Italisë. Kalendari ka vënë zikaltrit përballë Bolonjës, një skuadër që po bën mjaft mirë në këtë sezon dhe mesfushori shqiptar është mes titullarëve të përzgjedhur nga Simone Inzagi.
Ky i fundit ka vendosur që të bëjë rotacion në radhët e ekipit dhe përveç Asllanit, në rreshtimin e skuadrës së tij ka edhe emra të tjerë që kanë luajtur më pak deri tani si Audero në portë apo edhe Fratezi e Klasen në mesfushë përkrah mesfushorit shqiptar.
LIVE: INTER-BOLONJA 1-2
Karlos Augusto 92′ / Beukema 112′, Ndoje 116′
KOMENTI:
116′ GOOOOL BOLONJA 1-2/ “Rruge në qiell të hapur”, skuadra e Tiago Motës përmbys rezultatin me anë të Ndoje. Nuk iu besojnë syve interistët (VIDEO)
112′ GOOOOL BOLONJA 1-1/ Shtanget skuadra e Inzagit, miqtë gjejnë baraspeshën në “San Siro”me anë të Beukema. (VIDEO)
98′ Inzagi kryen zëvendësimin e fundit, largohet Lautaro Martinez i dëmtuar, vendin e tij e merr Mkhitarjan.
92′ GOOOOL INTER 1-0/ Zhbllokohet më në fund sfida, skuadra e Inzagit gjen rrugën e rrjetës me anë të Karlos Augustos. Mbrojtësi godet saktë me kokë brenda zonës pas asistit të Dimarkos nga goditja e këndit. (VIDEO)
91′ Zëvendësim te Interi, largohet Bisek, vendin e tij e merr Pavar.
Mbyllet pa fitues koha e rregullt, dueli shkon në shtesa!
90′ Akordohen 5 minuta shtesë!
83′ Zëvendësim te Interi, largohet Asllani, vendin e tij e merr Sensi.
74′ Tre zëvendësime te Interi, largohet Aranutoviç, Klasen dhe Bastoni, në fushë, Turam, Barela dhe Dimarko.
65′ Lautaro Martinez humbet 11-metërshin, tentativa e tij ndalet nga portieri Ravalia (VIDEO)
63′ Penallti për Interin pas prekjes së topit me dorë brenda zonës (VIDEO)
53′ Asllani jep një asist perfekt për Arnautoviç, i cili shpërdoron një shans të artë ku brenda zonës në afërsi të pikës së penalltisë e ka dërguar topin jashtë kuadratit (VIDEO)
PJESA E PARË:
Dominimi i Interit nuk mjafton, pjesa e parë mbyllet me rrjeta të paprekura! Zikaltrit e Inzagit regjistruan 2 gjuajtje në kuadrat, por pa gjetur golin, ndërkohë që Bolonja në krahun tjetër, nuk ka shënjestruar asnjëherë katërkëndorin. Paraqitje pozitive për Asllanin në 45 minutat e para.
FORMACIONET ZYRTARE
INTER (3-5-2): Audero; Bisek, Açerbi, Bastoni; Darmian, Fratezi, Asllani, Klasen, Karlos Augusto; Lautaro, Arnautoviç.
Trajner: Simone Inzagi
BOLONJA (4-2-3-1): Ravalja; Koraca, Beukema, Lukumì, Likogianis; Ebisher, Moro; Fabian, Urbanski, Salemakers; Van Hojdonk.
Trajner: Tiago Mota.
PANORAMASPORT.AL
