Superliga e Europës ka fituar gjyqin me UEFA-n dhe FIFA-n në Gjykatën e Drejtësisë së BE-së. Kjo e fundit ka dhënë vendimin final sa i përket një nga çështjeve më të mëdha në historinë e futbollit, duke i dhënë të drejtë klubeve që donin të ndërmerrnin këtë aktivitet. Ajo thotë që vendimet e marra nga UEFA dhe FIFA për të dënuar këto klube janë ilegale, por nuk thotë asgjë për përjashtimin e këtyre klubeve nga aktivitetet e dy organizatave më të mëdha të futbollit.
Gjiganti spanjoll i futbollit, Barcelona, ka shprehur menjëherë “kënaqësinë” në lidhje me vendimin e gjykatës.
Në një deklaratë të publikuar në faqen e tyre të internetit, katalanasit shkruanin: “Si një nga klubet që drejton projektin e Superligës, FC Barcelona mendon se vendimi i hap rrugën një kompeticioni të ri futbolli të nivelit elitar në Europë duke kundërshtuar monopolin mbi botën e futbollit. Dëshirojmë të iniciojmë diskutime të reja për rrugën që duhet të ndjekin garat evropiane në të ardhmen.”
Presidenti i klubit Joan Laporta publikoi gjithashtu një video duke shprehur mbështetjen e tij për Superligën e urryer.
Edhe rivalët e tyre në La Liga, Real Madrid dhe presidenti i tyre Florentino Perez bëri të njëjtën gjë me një deklaratë në faqen e tyre të internetit.
President @JoanLaportaFCB discusses the Super League sentence pic.twitter.com/BVW8QJl3fl
— FC Barcelona (@FCBarcelona) December 21, 2023
;
PANORAMASPORT.AL
