Ish futbollisti i Shkëndijes së Tetovës, Enis Fazllagiq, pritet gjatë këtij dimri të ketë një klub të ri, pasi që po planifikon të largohet nga Wisla Krakow, ku nuk luajti asnjë minutë në ndeshje zyrtare gjatë gjithë gjysmësezonit.
Fazllagiq nuk është në planet e Wisla-s dhe luajti vetëm në një ndeshje miqësore në nëntor, ku u paraqit 30 minuta për ekipin e tij dhe për këtë arsye pritet të shkojë në një klub të ri gjatë afatit kalimtar të dimrit. Mediat polake raportojnë se Wisla tashmë është në kërkim të një klubi të ri për mesfushorin dhe se një opsion i mundshëm është edhe huazimi.
Fazllagiq është në Wisla që nga viti 2021, dhe më parë ka performuar për Zilinën.
Ai shkoi në huazim te Dunajska Streda, pas së cilës u rikthye sërish në Krakow në qershor të vitit 2023.
Kontrata e tij me Wislën është deri në vitin 2026.
