Çmimi “The Best” për vitin 2023 padyshim do të shoqërohet me polemika pasi fituesi i këtij trofeu që jepet nga FIFA ka shkuar përsëri në duart e Lionel Mesit.
Edhe pse viti 2023 nuk ishte shumë i suksesshëm për argjentinasin, ai ka mundur në votim Erling Haland dhe Kilian Mbape për këtë edicion.
Sipas rezultateve të votimeve, Mesi dhe Haland ishin të dy në kuotën e 48 pikëve, por argjentinasi fitoi pasi kishte më shumë nominime në vendin e parë nga kapitenët e ekipeve kombëtare. Mbape doli i treti me 35 pikë.
Kjo është hera e 8 ku Mesi shpallet fitues i çmimit të lojtarit më të mirë nga FIFA pas e ka fituar më parë në vitet 2009, 2010, 2011, 2012, 2015, 2019 dhe 2022.
PANORAMASPORT.AL
