Ceremonia e çmimit “The Best” të FIFA-s sot kanë dhuruar një moment shumë të ccuditshëm. Ai që do të ishte momenti më kulmor i mbrëmjes, kur u dha trofeu për futbollistin më të mirë, në fakt rezultoi një moment të pazakontë për ceremoni të këtij niveli.
Pasi u lexua emri i Lionel Mesit si fitues i çmimit për vitin 2023, të gjithë normalisht pritnin që dikush të dilte në skenë të tërhiqte trofeun për të, meqë argjentinasi nuk kishte udhëtuar drejt Londrës për ceremoninë. Por si për çudi, askush nuk u shfaq, mes heshtjes absolute në sallë.
Atëherë ishte Tierri Henri, i cili prezantonte këtë eveniment, ai që zgjidhi gjithçka me shumë humor.
Thierry Henry collects the FIFA Best Men’s Player of the Year award on behalf of Lionel Messi and RIPS into Tottenham at the same time 🤣 pic.twitter.com/kGsbrRLLUy
— Mail Sport (@MailSport) January 15, 2024
“Nuk e kam fituar kurrë, ndaj po e marr unë:” tha ai duke qeshur teka ngriti trofeun. “Ti je me Totenhemin apo jo?”, i tha ai bashkëprezantueses Reshmin Çoudhëri. ”Mund ta prekësh, nuk ju ndodh shpesh të fitoni trofe”, tha ai duke ndezur në skenë rivalitetin e derbit të Londrës mes të qeshurave në sallë.
PANORAMASPORT.AL
