Mesfushori gjerman, Toni Kros ka folur në podcastin “Einfach mal Luppen” për finalen e Superkupës së Spanjës. Ai u fishkëllua në Arabinë Saudite, për shkak se ka qenë shumë kritik për “mungesën e të drejtave të njeriut” dhe lëvizjen e lojtarëve të rinj në atë kampionat.
“Vërshëllimat ishin diçka e re dhe emocionuese. Ishte një eksperiencë e re, diçka që nuk e kisha përjetuar kurrë, por nuk doja ta humbisja. Nuk prisja asgjë nga këto. As që e mendoja se ishte për mua. Nuk mendoj se është mirë që të rinjtë të shkojnë në ligën saudite dhe të heqin dorë nga ndeshjet e mëdha e të nivelit të lartë në Evropë.
Kështu thashë rreth gjysmë viti më parë dhe për mua tashmë ishte harruar. E kuptova në fund të pjesës së parë që vërshëllimat ishin vetëm për mua. Në fillim nuk e mendoja kështu. Pastaj pashë stolin dhe kuptova: “Kjo është për ty, vetëm për ty”. Mund të them nga zemra se nuk më shqetësoi, as nuk ndikoi në mënyrën time të lojës, përkundrazi ishte mjaft argëtuese”, përfundoi ai.
PANORAMASPORT.AL
