Samuel Çukvueze po luan në Kupën e Kombeve të Afrikës me Nigerinë e tij. Kombëtarja, e cila është kualifikuar në fazën e 1/ 8-ave, do të përballet me Kamerunin të shtunën në mbrëmje. Anësori sulmues i Milanit ka analizuar momentin aktual me kombëtaren duke folur edhe për ardhjen e tij në klubin kuqezi për të cilin tha:
CUKUEZE
“Kur në muzeun e klubit pashë 7 Champions, ‘Topin e Artë’ ishte një ndjesi fantastike sepse Milani është një nga klubet më të mëdha në botë, me shikueshmëri e ku luanin Van Basten, Kaka, Sheva. Jam i ri dhe për mua është pak presion, por është edhe një ëndërr e realizuar”. Teksa shokët e tij do të sfidojnë Bolonjën, anësori afrikan do të jetë në fushë me Nigerinë.
Lidhur me aventurën në Kupën e Kontinentit të zi, ai u shpreh: “Nuk do të largohesha nga Milani për të luajtur në një turne pa synuar trofeun edhe sepse kam shumë nevojë për të. Dua ta bëj vendin tim krenar, kështu që nuk mund të vij këtu që të humbas kohën e klubit tim për hiçgjë”. Në fund, Çukvueze foli edhe për diferencat mes kampionat spanjoll ku luante deri një vit më parë dhe Serisë A.
“I preferoj të dyja, në Spanjë gjithçka bëhet më shumë me top. Në Itali situata është më fizike dhe besoj se është çështje përshtatjeje. Për mua është një sfidë e re, tani di pak më shumë, por mendoj se duhet të vazhdoj të punoj për t’u përshtatur më mirë”, deklaroi 23-vjeçari nigerian.
PANORAMASPORT.AL